المهمة المستحيلة

حاولت ان اتأكد ان زوجي لا يخونني مع اخرى فلجأت الى هذه الطريقة، وانا الآن في حيرة من امري ولا ادري هل اندم على فعلتي ام احمد الله على فطنتي .......

زوجي الحبيب يتجاهلني و مش كتير بغار عليه مع اني حلوة وصغيرة وهو كمان حلو وشب وسيم بيطلع المساء من البيت الساعة 8 بحكلي زهقان وبدو يسهر عند اصحابه وانا بزعل وبدايق وبحكيله اسهر معي و بحكلي ما رح اتاخر بدي اغير جو وبيرجع الساعة 11مساء وانا بلشت اشك فيه انا متاكدة انه بسهر عند اصحابه بس خايفة يكون بطل يحبني .. وحكيت لحالي خليني اختبرو .. واشتريت خط تلفون تاني وبلشت ابعتله مسجات غرامية ع اساس اني واحدة معجبة مش مرته وارن عليه واشغل المسجل و هو صار يرن ع رقم وبدو المعجبة تحكي و انا ما بقدر احكي لانو بيعرف صوتي مش عارفه شو اعمل كيف بدي اغير صوتي؟ وانا هلأ كتير زعلانة لاني اكتشفت انو عندو ميول يعمل علاقة بس بدي اتاكد مية بالمية انه رح يعمل علاقة عشان اقرر مصيري معه بدي طريقة احكي معه من دون مايعرفني وانا ماعندي صحابات ثقة عشان اسلمهم هاي المهمة ... ساعدوني شو الحل؟