جراءة نيوز

شخصيا قبل ما اتزوج كنت رجل متعدد العلاقات، وبحب اروح واطلع على مطاعم ومقاهي ودائما كان همي اطلع باكبر عدد ممكن من النساء على الرغم من وجود العديد منهم بحيات، لكن للامانة ما عمري خدعتهم وحكيت اني بحب اي وحدة منهم والكل كان يعرف اني "نسونجي".

راحت الايام وبضغط من امي تزوجت زواج تقليدي، وحبيت البنت وقطعت كل علاقاتي واجاني منها ولدين، وبعد خمس سنوات زواج والتزام وغيرت تلفوني وغيرت حساباتي على مواقع التواصل الاجتماعي وعشت حياتي مخلص لزوجتي واولادي، لكن اللي صار ما حدى ممكن يتخيله انه يجي على مكان عملي مديرة جديدة وتكون الفتاة الوحيدة اللي انا حبيتها بكل هذا الماضي الاسود، وبدأ شريط الذكريات والحنين للماضي والادهى انها لسه ما تزوجت .

وبدأت الحياة تختلف معي وهي تقبلت اني متزوج وطلبت مني نبقى اصدقاء وما قدرت اكسرها مرة ثانية وارفض، وكنت ماخذ الموضوع معها تسلية على الفيس بوك وفجأة مسكتني زوجتي وانا براسل فيها واللحظة اللي اجت فيها زوجتي كانت "الصديقة" ترسل لي صورتها وهون كانت الفاجعة.

مش عارف اتصرف شو اعمل ... امانة عليكم ساعدوني القصة صارت بالامس .