لروح الشهيد النقيب راشد الزيود وللرجال الرجال الذين دافعو عن ارض الوطن ببسالة في مواجهات إربد ،،،،،

كيف رح نحمي هالبلد من دون شهداء
كلمة قالها الزيود
كفيت ووفيت يا عمي ما عليك زود
الارض هاي لما تطلب رجالها كلهم يصيرو جنود
حتى الي ماسك قلم ومسطره عكرسي العلم يرمي القلم والمسطره ويمسك بارود
اوعى يا عدونا لا تقرب الحدود
هاي الارض محميه بعون الله من ايام الجدود
كل جندي يوقف على ارضها اسد من الاسود
والشهيد ما يخاف الموت بين عيونه جنة خلود
وابو حسين سيدنا للجيش يقود
والام تزغرت يوم النصر يوم الشهاده والعزم مشدود
هاضا ما هو بكلامنا كل العالم عليه شهود
من المهود ومع كل طفل مولود جندي عل الارض موجود
يا عدونا لا تقربنا ترا كل جيشك بقوتنا مهدود
ما نهابهم لو كانو ملئ الارض نسوي الارض الهم اخدود
والي يعادي ارضنا يوصل خبره لامه مفقود
هاي الارض لما تصيح الفزعه اطفالها وشبابها وبناتها وكبارها كلهم جنود
اردن يا قلعة صمود
لضل اصلي وادعي ربي المعبود
يبقى الامن دايم بديارك موجود

انس الهياجنه