أنا زلمة ما بحب الزن . . . بس يا ريتها ضلت تزن علي 10 سنين ولا إني أضعف وأسويلها اللي بدها إياه !
القصة وما فيها إنها ضلت تزن على راسي أكثر من 3 سنين بدها تتعلم سواقة وأنا مش موافق وكل مرة أتحججلها بحجة شكل . .
لأني كنت أفكرها لخمة وإذا ساقت السيارة راح ترجعلي إياها مطبشة . . . بس هلا . . . شاعر حالي إني أنا اللي طلعت لخمه . . . لما ضعفت ووافقت إني أدربها على سيارتي
بديت معها من بداية البداية وفهمتها إنه الدعسات الثلاثه اللي تحت هي دعسة بنزين ودعسة كلتش ودعسة بريك . .
مش دعسة بنزين ودعسة كاز ودعسة ديزل
وبعدين بديت أعلمها أصول السواقة خطوة خطوة
والحمد لله مرت فترة التدريب على خير وما صار فيها مصايب و ولا حدا اندعس !!
بس مرة من المرات كانت مش منتبهه و بدها تصدم عمود بس صرخت عليها ومسكت الستيرنج في اللحظة الأخيرة وأطلعت عليها وأنا مولعه معي وبدي أتفجر من الغضب قالتلي بكل برود أعصاب : ( من وين طلعلي هالعمود . . . الله يهده ما أنكده )
مع التدريب المكثف ومع إتقانها التام للقيادة أخذت الرخصة أخيرا
وصارت تسوق بأحتراف . . . يعني صارت سويقة مثل ما بقولوا
وصرت أركن عليها تروح تجيب اغراض وخضرة البيت من المول . . ومرات تجيب الأولاد من المدرسة إذا روحوهم بدري أو توديهم إذا تأخر عليهم الباص وإذا مرض ولد توديه عالدكتور . .
المشكله إنها صارلها فترة ما بتعجبها سواقتي بالمرة . . ما في مشوار بتطلع فيه معي الا بتوجهلي تعليمات وأوامر . . شغل الغماز . . أطفي الضو العالي . . اوعى تدعس الزلمة
على مهلك لتخبط بالرصيف
يعني كل ما تطلع معي بالسيارة بتسم بدني . . . خصوصا إني بضل ساكت لأني ما بحب أزعلها
ولأني ما بحب شكلي لما أكون معصب ومنرفز . . بعدين بقول لحالي أكيد هاي حالة مؤقته عنها وحتما راح تتلاشى
لكن أنا شايف إنه هالحالة كل مالها بتزيد . . حاولت أقنعها إنه كل إنسان إله ستايله الخاص في السواقه بس بتقللي دايما إنه في هالموضوع بالذات لازم أطبق القواعد والقوانين وأصول السواقة حرفيا يعني على قولة المثل : كل شيئ بتزرعه بتقلعه . . . الا بني آدم بتزرعه . . . بقلعك
مش عارف شو أعمل معها هاي ؟
تقدم لي شاب ولكن والدي عرقل الأمر نكاية بأمي .. فماذا أفعل؟
أعاني وسواساً في الطهارة .. كيف اتعالج منه؟
أخي الوحيد عنيد ومؤذي .. كيف نقوم سلوكه؟
أريد الانفصال عن خطيبي بعد مصارحته لي بماضيه .. فما رأيكم؟
تأخر زواجي رغم جمالي .. فما نصيحتكم؟
وليد توفيق يروي كيف ضاعت أمواله بلبنان
«موسم الرياض» يكشف سبب إلغاء «السوبر التركي»
قلق شديد في أوروبا بعد قرار رابطة الدوري السعودي
