وجّهت المغنية المصرية آمال ماهر رسالة شكر لجمهورها عبر مواقع التواصل الاجتماعي، كاشفةً أنها تمر بأضعف لحظات حياتها وأكبر إبتلاءاتها.

وكتبت ماهر: "جمهوري العزيز، ربنا وحده عالِّم مساندتكم ليّا ودعمكم تأثيره عليا كان عامل إزاي في أسوء ظروف عدت عليّا في حياتي".

وتابعت: "لو أقدر أروح لكل إنسان و إنسانة أشكرهم بنفسي مش هتأخر،ربنا جعلكم سبب يقويني بأضعف لحظات حياتي وأكبر إبتلاءات حياتي".

وأضافت: "ربنا كريم وقوي وجبار وهو المُعز والمُذل، كلي إيمان بإن لو الكون كله إجتمع علشان ينفعوا أو يضروا إنسان مش هينفعوه أو يضروه إلا بما كتبهُ الله له".

وقالت: "كل اللي طلباه منكم دعواتكم في صلاتكم في المساجد و الكنائس".

وأردفت بقولها: "الشكوىٰ لغير الله مذلة، ولله فقط بـأُقدم شكوتي، و من الله فقط أنتظر الفرج والجبر والنصر وجزاء الصبر والإحتساب على كل ما يعلمهُ الله، حسبي الله فهو نعم المولىٰ ونعم النصير، اللهم لك الحمد على كل شئ اللهم لك الحمد في الضراء قبل السراء، فكل قدرك وقضائك خير يا رب".

واختتمت كلامها: "هيفضل حبكم ودعمكم أعظم وأهم منحة من الله منحني بيها في أكبر محنة في عمري كله،وأي تماسك أو صلابة أنا فيها سببها سند ربنا اللي سندهولي بيكم، دعواتكم".