بالفيديو.. سيدة تحرق زوجها أثناء نومه بـــ بنزين

Saturday

${clean_title}$

أقدمت زوجة علي حرق زوجها بالنيران بجوار ابنته الصغيرة أثناء نومه، بسبب الغيرة والشك.

وعرضت الإعلامية ريهام سعيد، مقدمة برنامج "صبايا الخير" التقرير، وعلقت عليه قائلة: "ازاي واحدة تعمل كده في جوزها وبنته نايمة جمبة".

وروي زوجها تفاصيل الواقعة، قائلًا: "أنا أول ما جيت من الشغل بكون تعبان ومراتي أول ما شافتني قالتلي هات المصروف وفلوس عشان اجيب ترنج للبنت، بديها 100 جنيه للبيت يوميًا، وأخدت 150 عشان تجيب ترنج للبنت".

وأضاف: "فلوس الورشة كلها رايحه للبيت ومش بقعد على قهاوي، وبشيل اللقمة من بقي عشان أديهالها، وعمري ما عملت حاجة وحشة والله ما بضيقها، انا كنت جاي من الشغل تعبان ومراتي معملتش اكل ولا رضيت انزل اجيب أكل عشان شاكة فيا وفكراني اعرف واحدة غيرها".

واختتم: "فضلت قاعد في البيت وجيت اعمل شاي قالتلي هعملها ليك وبعدين جالتي قالتي مفيش سكر، روحت مكمل نوم، راحت جابت جركن بنزين ودلقته عليا وانا نايم وولعت فيا عشان تحرقني وتموتني مش عارف لية.. أنا ساعت بلاقيها مش بني ادمه بتكون شيطانة بتتغير 100 درجة، وفاكرة أني بحوش فلوس عشان اتجوز غيرها ومكانتش بتخلف وفضلت اعالجها لغاية ما ربنا كرمنا ببنتنا جومانا".

بالفيديو.. سيدة تحرق زوجها أثناء نومه بـــ بنزين

اقرأ أيضا