بالفيديو - فنانين مصريين يتحدثون عن الجن في الأردن

قالت الفنانة المصرية بشرى إنها توجهت مع زميلها الفنان محمد رجب إلى الأردن للانضمام لمسيرة خاصة لدعم السينما في المملكة وتضم مجموعة من الفنانين المصريين ايضا مثل حنان ترك وهاني سلامة.

وأضافت خلال لقائه مع الإعلامية رزان مغربي ببرنامج 'الحياة حلوة' المذاع على فضائية 'الحياة': 'كنا رايحين نزور البتراء، والمرشد قالنا إن المنطقة دي اسمها صهاريج الجن، وكنت عارفة أن محمد رجب بيخاف من الحاجات دي وبيعملها حساب'.

وتابعت 'بدأ يسأل المرشد أسئلة كتيرة عن الموضوع، وبعدها اتصورنا، وكنا احنا الاتنين لابسين تيشرتات حمرا، وبعدين فجأة بنبص في الكاميرا لاقينا مثلث أبيض جواه رسومات غريبة على التيشرتات بتاعتنا'.

واستطردت قائلة 'بدأ يتوتر جدًا، وبعدها روحنا نتغدا، هو راح يصلي العصر، فأنا قولت هعمل فيه مقلب علشان يأكد الخوف اللي عنده، روحت جبت الملح، ورسمت نفس المثلث اللي كان على التيشيرت، وأول ما جه من الصلاة لاقى المثلث راح قال دول عايزيني أنا وجاب المرشد السياحي وقاله فسرلي اللي حصل، بس من كتر خوفه حنان ترك وباقي الموجودين ضحكوا كتير، بس محمد لحد اللحظة دي شاكك أن الموضوع مش طبيعي'.