أعرب الفنان محمد صبحي عن استيائه وحزنه الشديد من إضاعة وقت المجتمع في مهاجمة الإسفاف، متحدثًا عن التأثير السلبي للسوشيال ميديا.

وقال محمد صبحي خلال بث مباشر عبر حسابه على فيسبوك: إحنا كنا أعظم قوى في العالم أيام الحضارة الفرعونية ولكن دلوقتي بنفقد إنسانيتنا بسبب السوشيال ميديا، ونشوف زمان إزاي الناس كانوا بيتعاملوا مع بعض ومينفعش ندي قيمة للإسفاف ونهاجمه ونضيع وقتنا في الإعلان عن شيء تافه وسفيه.

وأضاف محمد صبحي .. عشان كدا بنروج له أكتر إنما التجاهل هو الحل وأننا نوجد البديل، وأصبح عندنا غلظة في الحب وتحقيق الذات والكراهية حتى.

وكشف أيضا محمد صبحي سبب عدم عرض مسرحياته على التلفزيون وذلك خلال لايف بحسابه الشخصي بموقع فيس بوك، قائلًا: أنا دعيت ربنا مبقاش أعظم ممثل ولا فنان يكفي أني أكون مختلف وربنا حققلي دا في مشواري الفني، ولكن القنوات مش بتعرض مسرحياتي وأنا مقدرش أفرض عليهم عرض الأعمال ويمكن بيشوفوا أن مسرحياتي محترمة زيادة عن اللزوم ومش هتجيب مشاهدات ولا يليق تقديمها وعايزين التفاهات والسخافات.

محمد صبحي يكشف سبب عدم عرض مسرحياته على التليفزيون

وأضاف صبحي الفن أصبح تجارة، والقنوات بتقتل أعمالي الفنية لأنه بيتم شراء حقوق الملكية بتاعت المسرحية أو العمل، وبعدين مش بتتعرض على القنوات، وفي نفس الوقت مش بقدر أعرضها على صفحتي أو قناتي على يوتيوب لأن حقوق الملكية اتباعت.