رساله الى مسؤولي اورنج

جراءة نيوز-اخبار الاردن-خاص:

وصل لجراءة نيوز الرسالة التالية لشركة اورنج نرسلها كما وردت الينا :

بسم الله الرحمن الرحيم ما هو الحل مع شركه اورانج .....؟؟؟؟؟؟ الساده المحترمين اول مره بحياتي بمر علي هيك تعامل واضح بقولو الك بصريح العباره وبحكوها بوجهك شركه اورانج وبصريح العباره ( احنا ضحكنا عليك ) قبل سنه انا اخذت رقم مميز من شركه اورانج عقد لمده سنه وبعد ذلك يحول من خط فاتوره الى بطاقه مدفوع مسبقا وهذا كان الاتفاق و شرطي قبل ان اخذه ومع تعهد شخصي من الموظف ( لما اخذت الرقم اجى لعندي وانا قاعد على الكرسي 3 من الموظفين وبعد ذالك اجى مدير الفرع للاقناعي بالعرض وحكولي بالاجماع مع مدير الفرع انه سياسه شركه اورانج واضحه بعد سنه يحول الخط مباشره الى بطاقه ....

توجهت الى الشركه قبل انتهاء السنه من العقد بعشره ايام وقابلت نفس الشخص الذي فعل الخدمه لي وحكالي اسفين ما بنقدر نحول الخط الى بطاقه لانه (((( صدر قانون داخلي منع تحويل الارقام )))) قانون داخلي ؟؟؟؟؟؟ اطلعت وقابلت المدير (حكالي راجع الاداره ) احنا هون ما بنقدر نعمل شي ما خليت اداره ب اربد وعمان الا رحت عليهم و حكولي ما يهمك رح نحوله بس نعمل الاجراءات (وهاد غلط موظف) واحنا رح نحل الموضوع وبعد الكلام ما حد برد على اتصالي اكتر من 4 مدراء ولا اريد ذكر اسماء وجميعهم نفس الكلام ((( قانون نزل منع التحويل وهاد غلط موظف ورح نعمل الاجراءات وبنحكي معك وما رح تكون غير راضي لانه احنا بهمنا ارضاء العملاء))))

اخيرا اتاني اتصال وكان جوابهم ((( نعتذر منك لا يمكن تحويل الخط لاي تعرفه كانت ))) من انتم يا شركه اورانج ؟ هل انتم حكومه تصدر القوانين ؟؟؟ هل انتم دائره حكوميه تصدر قوانين وتطبق على المواطنين ؟؟؟ هل انتم محكمه عليا تصدر الاحكام و القوانين ؟؟؟