اصدر طلاب مدرسة فكتوريا بياناً طالبوا فيه عدم اغلاق المدرسة مؤكدين حزنهم على فقدانهم جزء كبير من عائلة المدرسة .
وقالوا في بيانهم " احنا طلاب مدرسة فكتوريا ، في منا خريجين و في منا لسا على مقاعد الدراسه ، للأسف الفاجعة الي صارت اثرت فينا احنا خسرنا خوانا و خواتنا و معلماتنا الي كانوا اعز من مجرد كلمة معلم كانوا سندنا بكتير اوقات ، احنا خسرنا جزء كبير من عيلتنا بس مع هيك احنا مصرين انو هاي العيله ما تتفرق " .
واضافوا :" مدرسة فكتوريا مو مجرد مدرسه ، هي بيتنا الدافي ، في زوايا هاد البيت ضحكنا و زعلنا و درسنا و تعبنا و نجحنا تخرج افواج من مدرستنا طلعت منا المحامي و المهندس و الصيدلاني و المحاسب و غيرو مدرسة فكتوريا قدمت كتير للوطن مع انها صغيرة بس قلبها كبير فكتوريا احتضنتنا و علمتنا معنى الحب فكتوريا جمعت العديد من الجنسيات و علمتنا نكون ايد وحده" .
ولفتوا :"ما بدنا نحكم ع فكتوريا من موقف هي الحلقه الاضعف فيه ، اذا مدرسة فكتوريا تسكرت يعني انتوا سكرتوا ع احلامنا و طموحنا و ذكرياتنا ، فكتوريا وطن صغير احنا شعبه لا تكسرونا خلوا فكتوريا تكمل خلوا فكتوريا ترجع توقف ع رجليها .. فكتوريا ما لازم تموت".
يشار ان قراراً قد صدر عقب وقوع حادثة البحر الميت بتعليق الدوام في مدرسة فكتوريا بخلدا لمدة اسبوع .
الأرصاد: لا حالات مطرية متوقعة حتى 25 كانون الأول
هل سيخضع السلامي للضريبة؟
تأخير بدء امتحانات الطلبة في لواء البترا السبت
الأرصاد: مربعانية الشتاء الأحد .. واستعدوا لأبرد فترات السنة
الأردنيون يستقبلون "النشامى" ابطال الوصافة التاريخية لكأس العرب
الانقلاب الشتوي يبدأ الأحد 21 كانون الأول 2025… ومربعينية الشتاء تدخل أبرد أيام العام
الامن العام يحذر مجدداً من هذه المدافئ
السلامي: لا يمكن مؤاخذة أبو ليلى أو غيره على الأخطاء
