كشف الفنان محمد ممدوح عن اتباعه حمية غذائية في وقت سابق وهي "صيام المياه".
قال محمد ممدوح خلال حواره مع الإعلامية إسعاد يونس في برنامج "صاحبة السعادة": "استمريت على صيام المياه حاجة اسمها صيام المياة وانا مكنتش اعرفها قبل كدة واللي شجعني عليها مدير اعمالي وهي أنك تصوم لكن تشرب مياه بس"
وتابع "انا قعدت 17 يوم بشرب مياه بس ومكلش خالص واحنا كنا في تجمع في فندق ومعانا دكاترة بيراقبونا ويشوفوا السكر والضغط وكانت تجربة حلوة جدا واي جوع أو صداع اشرب مية ودة كان من سنين وبسببه فقد وزن كتير ولغاية دلوقتي بشرب مياة كتير."
وأضاف "الموضوع مبهر وكنت حاسس اني هادي وصافي ودي حاجة علمية وحاجات كتيرة بتشفى بالمياه ودة لأي سن"
واختتم حديثه قائلا "أنا بقى ليا نظام حياة باكل كل ساعتين وبشرب مية كتير وخسيت 45 كيلو، احنا لما بدأنا ناكل مكنش ينفع ناكل مرة واحدة يعني نشرب عصير الأول وبعد كدة ناكل حاجة خفيفة اوي وكان في صديق أول لما خلص سافر المانيا وقبل ما يسافر اكل فول وطعمية من القاهرة ولما وصل المانيا تعب ودخل المستشفى فخطر أنك بعد الصيام تاكل حاجة تقيلة"
يذكر أن محمد ممدوح قدم بطولة فيلم "وش في وش" مع أمينة خليل، أنوشكا، سلوى محمد علي، بيومي فؤاد، أحمد خالد صالح، محمد شاهين، أسماء جلال وغيرهم نخبة من النجوم. الفيلم من تأليف وإخراج وليد الحلفاوي.
زوجة سامح حسين تكشف تطورات حالته بعد شائعات وفاته
منع مغنٍّ مصري من الغناء 6 شهور بعد ظهوره في فيديو مثير
والد محمد سامي يصفه بالأسطورة ويؤكد: وهبه الله ملكة نادرة في التأليف
كشف تفاصيل نجاة ممثل مصري من سطو مسلح .. مفاجأة بالتحريات
أحمد السقا يكشف آخر تطورات حالة نجله الصحية
اعتذار مدحت شلبي ينهي الخلاف .. ومحمود الخطيب يوقف الدعاوى
شهيرة تروي تفاصيل وداع أحمد زكي وتحسم جدل نجلاء فتحي
الصين تسجل أعلى فائض تجاري في 20 شهرا
