بالفيديو .. الفنانة المصرية مي فخري تكشف لأول مرة سبب ارتدائها الحجاب واعتزال التمثيل

كشفت الفنانة المصرية المعتزلة مي فخري لأول مرة السبب الحقيقي وراء اعتزالها التمثيل وارتدائها الحجاب بشكل مفاجئ رغم النجاح الكبير التي حققته في المجال الفني في الفترة الأخيرة.

أخدت كل حاجة

وقالت مي في فيديو بثته عبر صفحتها الرسمية بإنستغرام: "السلام عليكم ..أنا عملت الفيديو خصوصي عشان في سؤال الكل بيسأله ليا من فترة وأنا قررت أرد .. إيه سبب ارتدائي الحجاب واعتزالي التمثيل ..أولا بعيد عن إن الحجاب فرض أو مش فرض ده نقطة تانية .. لكن أنا اتحجبت عشان بصراحة أخدت كل حاجة”.

وأضافت مي: "أنا ربنا من عليا بنعم كتيرة جدا.. لدرجة إن مفيش حاجة ناقصاني ومبحلمش حاجة دلوقت .. وعشان كده قررت أحافظ على النعم دي بدل ما تروح مني.. والسبب إن ربنا لما من عليا بنعمه لمي نفسها مش للناس ..فقررت أني أكون لنفسي ودلوقتي أنا مبقتش أنام زعلانة ولا مضغوطة وفي راحة ما بعدها راحة”.

الحجاب مش مقيدني

وأكملت: "على فكرة عاوزة أقول الحجاب مش مقيدني في لبسي أو في شكلي بل بالعكس بلبس كويس جدا وكل اللي نفسي فيه بس في حدود إنه يمشي مع حجابي وكمان بطلت الناس تبص عليا في الشارع وتضايقني يعني بقيت مرتاحة جدا”.

واختتمت حديثها: "الحجاب فرض وأنا مقتنعة بكده وبتمني ربنا يثبتني ويهديني ..أنا حبيت بس أقولكم ليه اتحجبت ومن وقتها وأنا مبخفش وبنام مرتاحة”.

وكانت الفنانة المصرية الشابة مي فخري قد فاجأت جمهورها بإعلان ارتدائها الحجاب في شهر سبتمبر الماضي بصورة نشرتها عبر حسابها على إنستغرام.