قصةمؤثرة وبتبكي الحجر..تفاصيل

في يوم من الايام ياساده ياكرام بيكون في طفل ابن لمسؤول متكتك بالبلد واسمه ...مودي ...بيصحى من الصبح طبعا المربيه هي الي بتصحيه وبتلبسه وبتفطرو وبتوصلو للسياره مش للباص النمره الي لونها ..احمر ...بيدخل مودي الامور السياره وبينسى انه يصبح على السايق الي جاي من شغله عشان بس يوصل مودي المدرسه الخاصه الي رسومها عاديه جدا ..٥الاف دينار ولا اشي زي مدارس الحكومه بالزبط المهم بيروح مودي المدرسه وبيداوم زيو زي طلاب المدارس الحكومه بالزبط وبيرجع من المدرسه وبرضه السايق بستناه والمربيه بتستناه القصه مش هون القصه انه مودي بتفاجأ انه الكلب الي مربيه بيبيت اله لحاله للكلب نيالك ياكلب بتفاجأ انه مريض مودي بيزعل وبيبلش بكا ماما رني على بابا المسؤول يشوفلنا دكتور عشان الكلب نيالك ياكلب ولا حده قدك عندك تامين صحي وانا ماعندي المهم بيرد بابا المسؤول المتكتك وبيوعز لمدير مكتبه يتصرف وفعلا بيطلع مدير المكتب فورا بسيارة الدوام وبيروح على طبيب مختص وبطلب منه انه يتحرك معه على الحاله ...نيالك ياكلب المواصلات عندك مؤمنه .وفعلا الطبيب بيعالج الكلب من الاسهال المزمن بسبب كثرة الاكل ...نيالك ياكلب ملاقي اشي توكله ...وبنبسط مودي وبترجع الضحكه والابتسامه لسنانه ...نيالك يامودي عندك سنان وعندك واسطه...بقلم الاعلامي محمد راكان القداح #مودي فاسد