عروس المنوفية عذراء في الصباحية.. مفاجآت جديدة حول مقتل فتاة بعد زفافها بـ 24 ساعة ..فيديو

Friday

${clean_title}$

كشف حسن الشرقاوي، ابن خالة عروس المنوفية المقتولة بعد زفافها بساعات، تفاصيل جديدة عن الواقعة.

وقال ابن خالة عروس المنوفية، خلال مداخلة هاتفية ببرنامج "حضرة المواطن"، المُذاع عبر فضائية "الحدث اليوم"، «الخطوبة استمرت 3 سنين، والولد كان محترمًا جدا وعلى خلق عال، وكان يعمل محاميًا».

وأضاف ابن خالة عروس المنوفية«كان بيجي البيت يقعد محترم، وكنا بنتجمع كلنا علشان نقعد معاه»، موضحًا «ممكن نكون في الفرح اختلافنا علي القائمة، لكن الطرفين اتفقوا والفرح اتعمل وكل حاجه كانت كويسه، لحد ما العروسة اتصلت علي اخوها يوم الصبحية وطلبت منه حاجات».

وتابع ابن خالة عروس المنوفية«لما أخوها راحلها لقي العريس خارج وفي إيده سكينة عليها دم، وأما سأله قاله فيه عريس يذبح فراخ يوم الصباحية، العريس ضحك وقاله أدخل شوف الفراخ إللي جوه»، متابعًا «أول ما أخو العروسة دخل الشقة العريس جري وقفل عليه الباب، وأول ما أخو العروسة دخل شاف أخته مرمية علي الأرض وسايحه في دمها».

وأكد ابن خالة عروس المنوفية«أخو العروسة فضل يصرخ لحد ما الناس اتجمعت وشافوا العريس وهو بيجري»، مستطردًا «تفاجئنا إن العريس محجوز في مستشفي بنها ومضروب بالسكينة في بطنه»، مؤكدًا «الطب الشرعي أثبت أن العروسة مازالت عذراء».

عروس المنوفية عذراء في الصباحية.. مفاجآت جديدة حول مقتل فتاة بعد زفافها بـ 24 ساعة ..فيديو

اقرأ أيضا