طفلة أردنية فقيرة سألت عن "النوتيلا" بطرد الخير .. فكيف كانت ردة الفعل !

أثار منشور لإحدى العاملات في المجال التطوع، في الأردن، حفيظة متابعيها؛ بعد أن أبدت استهجانها من تساؤل طفلة فقيرة عن وجود 'نوتيلا' في طرد الخير الذي وصل لمنزلها.

الخبيرة التربوية سهى طبال علقت في منشور لها على فيسبوك بالقول: 'وحدة بتتمسخر على صفحتها على طفلة، لمن وصلتها طرود الخير سألتها فيها نوتيلا؟!
ليش هي مو بشر وبتسمع من صاحباتها عن النوتيلا...
لو كان عندي وقت لهيك حملات كان بروح عالأسر، بحدد شو بنفس الاطفال وبعطيه اولوية قبل السكر والشاي...
اذا الهدف من الحملات الرمضانية تنقلوا بتهكم ردود افعال الاطفال بلاها...
جبرة خاطر طفل بتعمر بيت وكسر خاطر طفل بيخرب بيت'

منشور صباح لقي تفاعلاً واسعاً من المواطنين الذين طلبوا منها تمكينهم من الوصول لعائلة الطفلة بحسب ما ذكرت.
وأضافت الخبيرة صباح خلال منشور آخر لها على 'فيسبوك':
' ما تتخيلوا شو إجاني على الخاص طلبات من ناس حتى يساعدوا أسرة الطفلة اللي حكت عن النوتيلا...
والصبية اللي كتبت البوست، طالبة جامعية لسة صغيرة لغت البوست وبعتت رسالة تعتذر، وحكتلي انها ما كانت مدركة انه اللي كتبته في شي غلط، كونها أول مرة تشارك بأنشطة تطوعية، ووعدتني انها هي رح تصلح غلطها مع أسرة الطفلة، وطلبت مني انه ما حد يسبقها على هالشي'.

وأضافت صباح: 'ثقافة التطوع حلوة بس بدها تنظيم وتدريب للي بده يتطوع حتى يضبط ردة فعله امام الأسر والناس اللي بده يساعدها'.

وختمت بالقول: 'شو بوست النوتيلا عزز عندي وأكدلي انه الشعب الأردني كبير وبيرفع الراس'.