اردنية تطلب فزعة النشامى في الإمارات وتؤكد "فزعة وليست صدقة"

ناشدت سيدة اردنية النشامى الأردنيين في دولة الامارات 'بالفزعة' بعد أن شعرت بالظلم ولحالتها المادية السيئة.

ونشرت السيدة وعبر احدى الصفحات التي تجمع الاردنيين في الامارات تحت اسم 'اردنيين في الإمارات' مشكلته والتي قالت فيها ' ياجماعة الخير انا كنت شغالة بالقرية العالمية وعلى اخر هل قرية اتفنشت من شغلي والحمدلله طلعت منها بدون ولا قرش بس الحمدلله الله بعتلي ابن حلال وقلي رح يدايني فلوس لحتى اخد طاولة بالجناح الكويتي ولحمدلله ربنا يسر.

وناشدت السيدة الاردنيين في الامارات بقولها 'انا بس بدي منكم تيجو على القرية وتشوفو شغلي كلو هاند ميد اقسم بالله وكله من اجود الانواع بعملوه ، انا بعمل صابون باشكال غريبة وحلوى كتير وبنفس لوقت مفيدة للجسم هلا لبعض ممكن ما يهمه الامر بس انا بهمني كتير ومتوكلة على ربنا، انا والله لحمدلله انضحك علي بالقرية وراح تعبي على الفاضي .

واشارت الى أن حالتها الاقتصادية صعبة وذلك بقولها ' اببني لهلا ماسجلتو ومادخلتو كيجي تو رح اسجلو اول دايركت وانا وزوجي شغالين وراتب زوجي كتير قليل لحمدلله 4000 وعنا ولادين وكمان امو واختو لزوجي بصرف عليهم وعندي ابني كمان تعبان وبعالجو انا مابدي لاصدقة ولا شفقة بس بدي فزعتكم وبدي دعم منكم انكم تيجوا وتشوفو الصابون وتشتروا واسعار كتير حلوة وبتجنن امانة دلوا بعض وتيجوا وتشوفوا ان شالله الاحد المقبل رح ابلش وانزل على القرية امانة برقبتك كل مين بقرأ بنية الخير الي ولكل يدعيلي بفك ديقتي .

هذا وانهالت التعليقات من عشرات الأردنيين في الامارات مؤكدين دعمهم لها ومشددين على حضورهم الى المكان والشراء منها.

وتالياً بعض الصور التي عرضتهم السيدة من اعمالها.