منة فضالي تبكي بسبب والدها: عمري ما حسيت أنه بيحبني نهائي

تحدثت الفنانة منة فضالي عن تفاصيل علاقتها بوالدها، وقالت إنها لم تشعر بحبه لها من قبل، بعد تركه لها منذ أن كان عمرها شهرين فقط.

وقالت منة فضالي خلال لقائها في برنامج "Vip”مع الإعلامية أميرة بدر عبر قناة "هي”: عمري ما حسيت أنه بيحبني نهائي، مع أني حاولت أقرب منه بس هو مساعدنيش، كان بعيد طول الوقت، معرفش يمكن عشان متربتش معاه ومتعبش عليا".

وأضافت منة فضالي: عملت حاجات كتير عشان أقرب منه، مهما بتعملي بيكون الموضوع صعب، الحب والمشاعر محدش بيعلمهم لحد، ومن قريب كنت بعمل مسرحية في السعودية وهو عايش هناك وكلمته يجي يقعد معايا، ولقيت نفسي بقوم كل شوية مش عايزه أقعد معاه مش لاقيه حاجة أقولها، والمسرحية كان المفروض هيحضرها وأنا أتلهيت ونسيت أقوله بسبب المسرحية دايما سولد أوت، وقتها قولت لنفسي معقول أنسى أعزم أبويا، أنا بحب أبويا لأنه أبويا وبحترمه لكن مش زي أمي. ‎

الجدير بالذكر أن برنامج «vip» يعرض على شاشة «هي» يوميًا في شهر رمضان في تمام الساعة 11 مساءً، كما يعاد عرضه في اليوم الثاني في تمام الساعة 3 صباحًا، والساعة 10 صباحًا