شقيق ممثل راحل: نجوم فرحوا بوفاته.. ماذا عن هنيدي؟

فاجأت تصريحات معتز ولي الدين، الشقيق الأصغر للفنان الراحل علاء ولي الدين الجمهور، بعدما تحدث عن الوسط الفني وقلة الوفاء بين النجوم. وقال معتز: "أنا فرحان بحب الجمهور لعلاء مش حب الفن.. هم كلهم وحشين ببعض.. ما تفرقش معايا خالص مين فنان بحبه ومين ما بحبهوش.. أنا يفرق معايا الجمهور اللي في الشارع.. الناس البقالين والناس اللي بالشارع.. اللي كل ما يشفوني ويترحموا على علاء.. أما الفن اوعى تصدقي الكلام ده”.

وأضاف: "الله يكون في عون دنيا وإيمي سمير غانم.. بعد وفاة مامتهم ووالدهم .. هيحسوا اللمة اللي كانت حوليهم دي كانت لمة كذابة.. وعايزة اقولكم سبكم من دول.. الناس بتيجي قدام الكاميرا وبتقول كلام حلو اوي.. ووراء الكاميرا غير.. انا عشت التجربة دي.. وشفت النجوم بيقولوا ايه على علاء بعد ما مات”.

وواصل حديثه: "في حاجات حصلت معايا بالفعل بس لا داعي.. من أسامي كبيرة جدًا.. ومن زمايله الي بدّعوا أنهم زمايله.. ما قدرش اقول أسامي.. هم عارفين نفسهم.. وفي كتير جدًا كانوا فرحانين انه علاء توفى.. سيبك من الكلام اللي هو بطلع بتقال قدام الكاميرا حبيبي واخويا.. اللي في الكواليس بالكواليس.. المهم حب الجمهور”. واستطرد قائلًا: "ما بتفرقش معايا حب الفنانين.. لانه حب مزيف.. الا هنيدي.. انا ادين لهنيدي لفضل كبير جدًا.. ومحمد هنيدي من الرجالة الجدعة.. اجدع واحد شفته هو هنيدي.. وقف بمواقف كثيرة معايا ما بنعدوش”. وأثارت هذه التصريحات جدلًا واسعًا بين رواد السوشال ميديا وجاء في التعليقات: "نفس الشيء ينطبق على حسن حسني وعمر الشريف وسناء جميل يوم ماتوا محد مشي في جنازتهم من الفنانين ولا فرقت معاهم”.