شاهدوا بالفيديو .. الفاتنة المصرية "ياسمين صبري" تكشف سر موافقتها على الارتباط برجل الأعمال أحمد أبو هشيمة

وجهت الإعلامية المصرية لميس الحديدي، حديثها إلى مواطنتها الفنانة ياسمين صبري بعد ظهورها اللافت في مهرجان الجونة السينمائي، قائلة: "إيه الحلاوة دي"، لترد الأخيرة: "بشكرك.. الفستان من تصميم جي بي والاستايلست كارول بوخالد".

وأبدت الإعلامية خلال لقاء تلفزيوني مع صبري من الجونة، إعجابها بـ"الكوليه" الذي ترتديه الفنانة، لترد ياسمين: "دا ذوق أحمد (في إشارة إلى زوجها أحمد أبو هشيمة)"، مضيفةً: "دا مش من هنا من بره مصر".

وعن سبب مشاركتها قالت صبري: "أنا بشارك في مهرجان الجونة لأن المهرجانات دي جزء من عالم الممثل"،مؤكدةً على أن هذا المهرجان هو الوحيد الذي تحضره، وتكون سعيدة فعلًا.

وتابعت: "دلوقتي بقرأ ورق لمسلسل، بس لسه مفيش حاجة عجباني، لأني بحاول أتعلم من أخطائي، وأعمل حاجة تكون مختلفة، وأكون مقتنعة بيها، عشان كدا باخد وقتي أكتر"، مضيفةً: "المفروض الواحد ميخدش تقديره لنفسه من الناس، لكن من نفسه، لكن مش معنى كده إننا نريح على الخط.. لأ.. نشتغل ونطور من نفسنا بالقراءة والدراسة".

واستطردت: "أنا بدأت أقرأ في التطوير الذاتي من 5 سنين، وبعد كدا دخلت في السيكولوجي، وبعدها حبيت أدرس، لأني حسيت إني عايزة يبقى عندي معلومات حقيقية عن دراسة".

وأكملت: "في وقت الكورونا كانت الدنيا نايمة، وأنا بحب قوي استثمر في وقتي، وبضايق جدًا لما اليوم يعدي فاتجوزت، دا جزء مهم".

وذكرت: "لما اتجوزت حسيت إن جزء في حياتي اكتمل واتوزن، خاصة إن أحمد شخصية تليق عليا قوي، وهو شخصية قوية وطموح وفي حاجات كتيرة قوي شبهي، وفي حاجات كتير شدتني ليه"، مضيفة: "في نفس الوقت في حاجات كتير مش عنده عندي، زي إني أنا منغلقة قوي، وهو يعرف الدنيا كلها".

وأوضحت: "أنا منغلقة، يعني معنديش صحاب كتير، معنديش شلة، مش بخرج كتير، معنديش مكان أنا بروحه معروف، غير الجيم، ودلوقتي موجودة في البيت، ودايرتي مقفولة قوي وبعيدة عن كل الأضواء، وأنا بحب كده"، منوهة بأنها تدرس حاليًا، وتتلقى المحاضرات أون لاين.

وعن ظهورها على السوشيال ميديا بشكل مستمر وتفاخرها بسيارتها أو غيرها من الأشياء، قالت ياسمين: "مش بفكر أتراجع عن نشر دا، لأن الإنسان المشهور وتحت الأضواء لازم يكون قدها، لكن لو مش قدها يبعد عنها، ومن حق الناس تتكلم عني ومقدرش أتحكم في رأيهم، ومش عيب إن الشخص يستمتع بالرزق اللي ربنا ادهوله".