بسبب الكمامة .. شاب يثير غضب تامر حسني

كشف النجم تامر حسني عن موقف أثار غضبه، وكتب من خلال صفحته على "فيسبوك": "أنا شوفت موقف قدامي صدمني مش قادر محكيهوش .. شوفت واحد بيقول لصاحبه شيل الماسك وإسترجل، طب هو عشان في وجهة نظر حضرتك يسترجل فيكون سبب في موته وموتك وضرر كل من حوله.. معقول كل دول العالم المتطورة مؤمنة بالوقاية دي و إحنا بقى اللي عندنا الفهلوة والمفهومية كلها".

وأضاف: "أكيد مسكتلوش و فهمته على قد ما أقدر و فهمته يا سيدي لو حتى انت من الناس اللي بتقول دا وهم مش هتخسر حاجه لما تاخد كوكب الأرض بالكامل على قد عقله و تحافظ على نفسك الكام يوم دول بس المشكله إن في منه كتير بيفكروا مثله" بحسب (مجلة لها).

وتابع: "لازم نتكلم كتير مع كل الناس ولو النزول للضرورة القصوى عشان طبيعة شغل بعضالناس اللي باليومية فنلتزم بكامل تعليمات الوقاية، أرجوكم اتكلموا كتير مع الناس عشان نوعي اي حد مش حاسس بالخطورة".

واستكمل حديثه قائلًا: "لازم نلتزم و نقعد في البيت 14 يوم يا ناس عشان نسيطر على إنتشاره وميتحولش لوباء الصين إنتصروا على الوباء لما إلتزموا ومنزلوش الشوارع نهائي.. ولو في ناس شغالة بيوميات لازم توصلهم يومياتهم لحد عندهم من باب الرحمك عشان ربنا يرحمنا وانا بدأت بنفسي وعملت كدا واكتر من كدا. يا جماعة .

إن شاء الله إختبار من ربنا وهننجح فيه لو اتعاملنا معاه صح وبمنتهى الرحمة التعب وارد يحصل لأي حد فينا وهيخف إن شاء الله زي ما آلاف خفوا


وخفوا من امراض أكتر من كدا بمليون مرة و دا مش أول وباء عالمي يمر علي البشر وغيرنا مر بأكتر منه دي فرصه للي مقصر في حق ربنا إنه يقرب منه تاني ".

واختتم: "أهو دا جانب إيجابي لازم نشوفه لازم نشوف إن الصعوبات دي بتشيل من علينا كتير عند ربنا، وربنا هيعوضنا خير عنها إن شاء الله ومننساش ندعي ربنا كتير".