والدة شهيد برحلة الموت ترثي ابنها :"مسامحتك شو ما تعمل بس خليني أشم ريحتك" - تفاصيل

Tuesday

${clean_title}$

تناقل ناشطون على مواقع التواصل الاجتماعي رسالة سيدة تعبر عن حزنها الكبير، بسبب فقدان طفلها قبل يومين، في الرحلة المدرسية التي فُقد فيها 18 طفلاً بسبب السيول في البحر الميت.

وتفاعل رواد الشبكات الاجتماعية بشكل كبير مع رسالة الأم .

وجاء في رسالة الأم المكلومة:

«كنت خايفه عليك من البرد حكيتلك خد معك جاكيت تغير الجو، بس ما كنت عارفه انه برد التلاجه وصقيعها اللي رح تنام فيه اليوم كل النار اللي بقلبي ما رح تدفيه، تلاجة باردة، معتمة، وانت بتخاف من العتمة كتير، أنا لسا عم بستناك المسا، اليوم بكيت عليك كتير، بس أنا لسا ما بكيت، أنا عم بسمع الباب بيدق، وعم بسمع صوتك وانت بتنادي عليّ وبتقلي يما رجعت! أنا بوعدك اليوم لو رميت شنطتك بنص الدار ودخلت ببوطك اللي كله طين علسجاد ما رح أصرخ عليك، اليوم انت كنت طالع تنبسط وأنا مسامحتك لو شو ما تعمل بس خليني أشم ريحتك وأطلع بعيونك اللي بتوزع علدنيا كلها فرح، انت تأخرت كتير أنا وإخوتك وأبوك علشباك بنستناك، الدنيا برد وعتمة، صوت قلوبنا اللي بتصرخ وبتناديك أقوى من صوت كل العواصف اللي بره، سامعنا يا حبيبي احنا عم نستناك، طولت كتير».

والدة شهيد برحلة الموت ترثي ابنها :"مسامحتك شو ما تعمل بس خليني أشم ريحتك" - تفاصيل

اقرأ أيضا