بكلمات مؤثرة .. هكذا علَّق مكسيم خليل على تفجير كفريا والفوعة!

بعد التفجير الذي إستهدف قافلة حفلات كانت تحمل مواد غذائية لنازحين سوريين من كفريا والفوعة، والذي أسفر عن مقتل وجرح المئات، عبّر الممثل السوري مكسيم خليل عن حزنه الكبير من المشاهد المؤسفة للتفجير.

ونشر مكسيم عبر حسابه الخاص على تطبيق "إنستغرام" صورة مؤثرة لأحد المصورين وهو ينقل طفلا جريحاً، وكتب:

"ناس طالعة من الحرب بدها تعيش مو اكتر..

أطفال بدهن يتعلمو بدهن يلعبو برات البيت مو اكتررر..

كيف هيك ارواحنا رخيصة عند العاااالم ..!!

ماشبعتوا اتهامات...ماشبعتووو تخويييين...

سبع سنين ولساتكن واقفيييين عند نفس الرواية ...

سبع سنين وماحسيتووووو انو المستهدف هو الدرويش..

هو انتو ...هو هنن ... لك هو نحناااا.. نحناااااا

هو السوريين..

سبع سنين وماعرفنا انو اصحاب المعالي والسلطة و رؤوس الأموال ما بشوفونا اكتر من كيس زبالة..او حطبة..

سبع سنين ماسألنا حالنا وين المشكلة .. مين المشكلة؟؟

سبع سنين وما سألت حالها هالاطراف يلي عمتاكل بعضها..

وينوووو يلي "عميحميهن" .. بأنو قصر قاعد ..بأنو بلد..

بأنو جزيرة ... لك نحنا عمنمووووت وهنن قاعدين وموصاير عليهن شي و نحنا مصرين ندور على المشكلة بغير محل على مبدأ وين ادنك !!!

هلأ بيطلعلي حدا بقلي انت ماعمتموت انت عايش برا ومرتاح.. ..وحاج تبيعنا وطنيات وشرف نزيل..

ولك خرااااااس ...خراااس ..انا عم موت ميت مرة ..

من سبع سنين عم نموت كل يوم مع كل واحد عميستشهد ..

مع كل معتقل.. مع كل عسكري ورطوه بحرب مانها حربه..

مع كل طفل مع كل أم مع كل أب ولك مع كل حجر..

انا سوري اكتر منك ومن معلمك.. مين ماكان يكون معلمك..وشو ماكانت جنسيته او طائفته او ديانته .. اليوم يلي أسعف الناس هو يلي مفكره عدوك يا "وطني" ..

١٠٠ قتيل اليوم و قبله راح كتيييير وقيمتن عنا هي نفسها..

بس عندن انتو ارقاااام ....وباللحظة يلي رح تقلبو عليهن..

رح تصيرو عدو متل يلي قبلكم...

الكلام لكل طرف عنده استعداد يعمل هيك جريمة بدم بارد

ويوافق على قتل سوري تاني.. مشان ما يطلعلي كمان شي محلل تاني ويتذاكا ونحنا عمنسبح بالدم"