بالصور .. هذا هو زوج تولين البكري الذي طلّقها بعد يومٍ واحد بسبب 'عذريتها'

الممثلة السورية تولين البكري التي تتحدث عن قضايا عدة، من ابرزها اعلان طلاقها بعد يومٍ واحد فقط من زواجها.

وكانت تولين قد قالت في منشور عبر حساباتها على شبكات التواصل الإجتماعي منذ اشهر عدة: "رفقاتي...حبايبي..لكل اللي فرحولي من قلبون..ولكل اللي باركولي وتمنولي الخير..بقول..ومتل ماكنتوا معي نضاف وبقلب صافي وبمحبة فرحتوا لفرحي أنا واجبي بادلكم بنفس الصدق والصفاء وشيل كل تساؤل واشارة استفهام عم تفكروا فيها..

بما أني بعد يوم من إعلان زواجي شلت كل الصور ..أنا رح واجه مشكلتي معكم لأنو أد ماخبيت مافي شي بيدوم..ومافي داعي لخبي لأني ماغلطت..بالعكس..أنا متلي متل أيا أنثى..بتحلم بالاستقرار والأمان والدفا والعيلة والحب..ارتبطت شرعآ بشب أبن عالم وناس وتزوجنا بعد ماتقدملي بشكل رسمي وحكا مع أهلي وطلبني على سنة الله ورسوله..ولكن للأسف كان لأهل هالشب اعتراض عليي ومآخذ..بما أنني مطلقة وممثلة و..و..الخ..واجبروه على فسخ عقد الزواج القائم بيننا..

ماعندي شي خبيه لأني ماغلطت كل ذنبي كان أني طلبت الحلال مع هالشب.. وبالنهاية كل شي لخير أكيد.وقسمة ونصيب.بس حابة قول لكل أم عندها شب عم تدور لأبنها على عروس من وجهة نظرها أخلاق هالعروس بتنطلق من عذريتها بحب قول لهالأم..ياسيدتي عذرية الروح أهم بكتير من عذرية الجسد...وبعتذر من أهلي قدام الكل لأني حطيتون بهالموقف بدون أي ذنب..شكرآ".

العريس هو رجل الأعمال السوري مجد بدور الذي تزوجته البكري في حفل حضره العديد من نجوم الدراما السورية لتعلن في اليوم التالي أن أهل العريس طلبوا إليه تطليقها لمجرد أنها "مطلقة وليست عذراء"!

وأوضحت لاحقاً ان الزواج كان سرياً ودام لشهور عدّة.