طفلة تشعل مواقع التواصل الاجتماعي برسالة لصديقها

أشعلت رسالة طفلة في الصف الخامس الابتدائي لحبيبها، مواقع التواصل الاجتماعي "فيس بوك".

وذلك بعد أن عثرت أم طفل يبلغ من العمر 10 سنوات على جواب في درج مكتبه، حيث اكتشفت أنه جواب حب أرسلته زميلته إليه تخبره عن مدى حبها بل عشقها له.

وقالت الطفلة:" ما هو بص كدة من غير لف ودوران هما بيقولوا إن الحب حلو بس أنا اقسم بالله عمري ما كنت هعرف الحب ولا أحس بحلاوته غير معاك انت، حتى لو انت محبتنيش وأنا باردة ورخمة هفضل أحبك لأن أنا عمري ما حبيت حد كده، يمكن أه حبيت قبلك مرتين بس عمري ما تأثرت ولا اتعلقت بحد كده، والله العظيم لو اقعد طول عمري أوصفلك إزاي أنا بحبك مش هيكفي، يمكن أنا اه لسه متعرفة عليك من 3 أشهر أو أقل بس وحياتك عندي أنا حبيتك بجد، يااااه احساس قذر أوي إنك تبقي واقف قدامي ومش عارفه أقولك أن أنا بحبك".

وأضافت: "اشمعنا انت اتعلقت بيه كده؟.. مش عارفة إيه اللي خلاني أشتد ليك وانجذب ليك اوي كده.. بس انا والله حبيبتك بجد ومش شايفة غيرك قدامي (نفسي امسك ايدك).. أنا عارفه انك مش هتوافق وعمرك ما هتكون ليا بحس في حاجة جوايا رافضة الاستسلام، قلبي رافض يبطل يحبك (نفسي تحس بيا)، عمرى ما هبطل احبك عشان خلاص بقيت ساكن جوايا.. قلبي مش حاسس غير بيك (نفسي تحبني بقي). على فكرة أنا والله حبيبتك انت قبل ما حب كلامك وجودك وشخصية عشان انا لو معملتش كدة يبقي مش بحبك من أصله (بحبك).

وتابعت:"كل لما اشوفك بحس أن قلبي مطمن ونفسي اجري عليك واحضنك واقولك بحبك بس للأسف مش هينفع، ان شاء الله امل هو أي نعم 65% نسبة قليلة بس انا فرحانة بيها وهتزيد قريب جدا إن شاء الله وتبقي على الأقل 80% انا راضية، بس اللى هطلبه منك دلوقتي انك تفكر كويس جدا ومهما كان قرارك أنا موافقة، بحبك يا مغلبني".