إعلامي يعرض صوراً (لوزيرة العدل الارمينية) و يطالب الحكومة بتوفير وزراء بجمالها !!

ا بدى الإعلامي المصري "سيد علي" إعجابه بجمال وزيرة العدل الأرمينية، أربين هوفينسيان، مطالبًا بوزراء مصريين على نفس الشاكلة.

وقال «علي»، في حلقة برنامجه «حضرة المواطن»، الأربعاء: «هل فيه تعديل؟ هل فيه تغيير؟ مش عارفين، بس أنا احتمال بكرة تبقى فيه أخبار مهمة، مقدرش أقول حاجة أنا مش متأكد منها، احتمال بكرة الخميس يكون فيه أخبار مهمة، احتمال تبقى أخبار كبيرة، يعني تاخد منشيتات، ممكن تبقى فيه أخبار مهمة جدًا بكرة».

وأضاف: «بس والنبي لو فيه تغيير عايزين حاجات بقا تسر النفس، عايزين وجوه نستبشر بها، فيه وزيرة أرمينية، احفظوا الاسم ده، اسمها هوفهنسيان».

وعرض «علي» صورة وزيرة العدل الأرمينية على الشاشة معلقًا: «دي وزيرة العدل مواليد 1983 في أرمينيا ، إيه رأيكم، بذمتكم لو عندنا وزارة كدة البلد دي يبقى فيها مشاكل، لو عندنا مجلس وزراء بالشكل ده إيه رأيكم، طبعًا مع كل تقديري لوزير العدل والوزيرات الموجودين أنا مقصدش حاجة، أنا بتكلم على إن عايزين حد جميل كدة يعني وأنا أرجو شوية لما تختاروا راعونا شوية بقا يعني هم الناس دي مش أحسن مننا يعني، وبعدين خالد زميلي بيقولي لو عندنا وزراء كدة كل الناس هتحب الحكومة مش هيبقى فيه معارضة، طيب بجد مش فكرة، إيه رأيك؟ أدي احنا قاعدين وهنشوف التغيير هيبقى شكله إيه».