احتفلت فتاة بعيد ميلاد والدتها المتوفاة بطريقة مختلفة، مما أثار إعجاب مستخدمي مواقع التواصل الاجتماعي.

قامت الفتاة بالاحتفال بعيد ميلاد والدتها المتوفاة بطريقة مختلفة بمساعدة صديقتها، حيث قامت بتلوين قبر والدتها التي بلغت من العمر 44 عاما، باللون المفضل لها.

وظهرت الفتاة في الصورة على نشرتها عبر "فيس بوك"، وهي تجلس بجانب القبر، وتلونه باللون البنفسجي الفاتح، وعلقت على الصورة قائلة:"ماما.. انا عارفة أن فاضل 3 أيام لعيد ميلادك 22-5 بس في اليوم ده مش هكون معاكي فحبيت اعملك هديتك واخليكي مبسوطة في مكانك دايما.

وأضافت:"انهارده لونت التربة بتاعتك باللون اللي انتي بتحبيه.. وكل مناسبة ليكي هعملك اللي يفرحك ويريحك في مكانك.. ربنا ينور قبرك وتكوني في أعلي درجات الجنة بسبب صبرك وتحملك.. اتعلمت منك حاجات كتير ولسه هتعلم بس عمري ما انسي كلمة منك.. انتي دايما معايا في قلبي أنا شايفاكي بقلبي.. كل سنة وانتي منورة في الجنة وفرحانة واقدر اعمل أي حاجة تسعدك زي ما كنت بعمل".

واختتمت الفتاة:" يوم 22-5 هتكملي 44 سنة يا بطتي.. بحبك وهفضل أحبك لحد ما اكون معاكي وأمنيتي أشوفك.. كل سنة وانتي جنة في الجنة.. وشكرا جدا لأعز الناس اللي ساعدتني بجد نور ربنا ميحرمنيش منك.. الله يرحمها".