كشفت الفنانة المصرية مديحة حمدي، عن سر اعتزالها الفن وارتدائها الحجاب، و رد فعل زوجها بعدما أخبرته بحجابها.

مديحة حمدي، قالت خلال استضافتها في برنامج "بوضوح"، مع الإعلامي عمرو الليثي: "أنا أتحجبت 22 رمضان سنة 1992 وأخدت القرار بالحجاب فبلغت جوزى إني حتجب قالى فكرى كويس هل انتي لابساه عن اقتناع ولا مجرد وقت وتقلعيه تانى عشان أنا مش حسمحلك تقلعيه وتلعبى في حته دينية زي دي فكرى كويس وخدي راحتك لو مش مقتنعة يبقى أستني شوية".

وأضافت: "أنا الموضوع كنت بفكر فيه بسبب إن دائما أستدعى لأدوار في مسلسلات دينية، تاريخية ، وفى الليالي المحمدية، والندوات الدينية، فكنت أدخل الاستوديو البس الطرحة وبعدين أنا خارجة اقلعها، فقلت طب ليه كده وابتديت مع الفطرة السليمة وحفظ القرآن والأحاديث النبوية الشريفة والثقافة الدينية فقلت الطرحة مش حتعطلنى خاصة إني الحمد لله أدواري معظمها كان بالطرحة".

وأوضحت أن سر اعتزالها الفن قائلة: "إنه كان فيه ظرف عائلي اجتماعي أنا مريت بيه وهو تعب زوجي رحمه الله، اكتشفنا بالصدفة وفجأة أنه مريض فكان في آخر أيامه كان لازم أكون جنبه ودى أقل حاجة أعملها كزوجة فقررت اعتزال الفن ولحد ما مات مكنش يعرف بحقيقة مرضه، وبكت الفناة أثناء حديثها واختتمته بكلمة الحمد لله".