اشار مواطن بسيط وبطريقة ساخرة إلى أن المشاكل الاقتصادية والبنية التحتية في الأردن حلها بسيط وبيد الحكومة إن ارادت العمل على الاصلاح ليتناقله العديد على مواقع التواصل الاجتماعي مؤيدين له ، الا أن بعض النشطاء علقوا على ما كتبه المواطن بالصريح جداً ولكنهم اشاروا الى ان الفاسدين في الدولة سيعملون لوضعه في السجن .

وتالياً نص ما كتبه المواطن :
صحيت الصبح وعضمي مكسر من التكييف.. كل مكيفات البيت شغاله على اقصى طاقتها... راح تقولو وفاتوره الكهربا اخر الشهر؟
راح اققلكم انها ما راح تتجاوز الخمس دنانير.. لانو كهربتنا من المحطه النوويه الي بالمفرق!!
بعدها .. دخلت اخذت حمام ساعه ونص بالجاكوزي.. اه المي مش قاطعه .. مياه الديسي ما خلت حدا تنقطع عندو المي!!!!.. والمي عفق وخير بكل مكان.. حتى المي فااااظظظت !
بعدها لبست وطلعت على شغلي... ما حبيت اخذ سيارتي اليوم
لهيك رحت ركبت الباص السريع!!
بعدها وصلت على مكتبي بأبراج العبدلي!!
انا بالطابق 39 والمنظر من عندي بجنن .. ولا اخفيكم اليوم معزوم عالبحر الميت مع الشباب.. صاير غير شكل بعد ناقل البحرين وبورتو البحر الميت !!
بلدنا بتجنن يخوان.. بس ناقصها شغلتين
1_ الواقف فيها يكملوه !
2_والي عالدفاتر فيها يطبقوه !
وسلامتكم